Безбедносна проверка

Безбедносна проверка

Согласно националните и меѓународните усвоени регулативи, превезувањето течности во авион е ограничено. Овие регулативи се превентивен одговор на новите закани на цивилното воздухопловство.

Овие регулативи обезбедуваат поголема безбедност за патниците и заштита на цивилното воздухопловство од акти на незаконско постапување, спречуваат терористички напади со течни експлозиви и гарантираат дека безбедносните мерки во ЕУ се унифицирани. Регулативата ги ограничува течностите што патниците можат да ги носат по безбедносните контролни пунктови на аеродромите, а потоа и кон авионот. Се однесува на сите летови кои заминуваат од аеродромите во ЕУ, без оглед на нивната дестинација или потеклото на превозникот.

Овие правила важат само за рачен багаж. Патниците сепак можат да носат мали количества производи за лична нега во нивниот рачен багаж (парфеми, креми, гелови, итн.), под услов пакувањата да не надминуваат повеќе од 100 ml и да може лесно да се стават во проѕирна пластична кеса (тежина: еден литар). Патниците мора да ги покажат течностите што се складирани на овој начин на безбедносниот пункт и да ги достават за безбедносни проверки. Одредени исклучоци се дозволени, како на пример за лекови и храна потребна за време на лет, вклучително и храна за бебиња.

Дополнително, правилата бараат од патниците да ги соблечат палтата и јакните на безбедносните контролни пунктови и од нивниот рачен багаж да ги извадат преносливите компјутери и поголемите електрични уреди. Регулативата исто така ги утврдува и максимално дозволените димензии за рачниот багаж (56x45x25cm), со можност за одредени исклучоци како што се за музички инструменти.

ЗАБРАНЕТИ ПРЕДМЕТИ ВО РАЧЕН БАГАЖ  Пиштоли (реплики на пиштоли и пушки, пиштоли за играње, имитација на оружје), ножеви, ножици, палки, запаливи експлозивни материјали, боци за пропан и / или бутан, жични музички инструменти, опрема за риболов, се некои од предметите што забранети за во патничката кабина во авион.

Може да носите некои од овие предмети само во вашиот регистриран багаж, но задолжително е да го пријавите кај аеродромскиот персонал за регистрација на патници и багаж, пред почнување на процесот на регистрација. Тие предмети ќе бидат проверени од страна на нашиот персонал за обезбедување пред багажот да биде испратен во авионот и пред да биде соодветно означен, согласно воздухопловните регулативи за такви предмети.

Во случај да имате намера да превезете пиштол или друго оружје, иако поседувате соодветна лиценца/дозвола, мора да го известите персоналот за регистрација на патници и багаж за тоа.

За повеќе информации во врска со забранетите предмети, или доколку се двоумите или имате прашања, ве молиме консултирајте се со авиокомпанијата или туристичкиот агент за дополнителни детали.

Ве молиме имајте предвид дека наведените забранети предмети не се сите опасни материјали кои се забранети за во патничката кабина во авион. Подолу е дадена комплетната листа на забранети предмети за превезување во рачен багаж.  

ЛИСТА НА ЗАБРАНЕТИ ПРЕДМЕТИ

ЗАБРАНЕТИ ПРЕДМЕТИ ВО РАЧЕН И ВО РЕГИСТРИРАН БАГАЖ

Дополнително, бидете информирани дека одредени предмети не се дозволени за превезување ниту во рачен ниту во регистриран багаж. Експлозиви, муниција, запаливи материи, огномети, пиротехника, бензини, хемиски и радиоактивни материи, корозивни супстанции, киселини, спрејови за аеросол, гас за самоодбрана, солзавец, кибрит и други опасни предмети, како што се магнетизиран материјал или надразнувачки материи, се строго забранети за носење во авион на било кој начин.

Домашни миленици

Од патниците се бара да ги направат сите неопходни подготовки во врска со транспортот на домашни миленици, како што се снабдување со соодветна документација, пред нивното патување. Како по правило, домашните миленици се транспортираат во специјално обезбеден простор на карго-багажникот. Авиокомпаниите вообичаено дозволуваат мали домашни миленици да се превезуваат во патничката кабина (како на пр. кучиња, мачки, птици). Домашниот миленик треба да се превезува во соодветен кафез или кошница со водоотпорно дно. Транспортот на домашни миленици се наплаќа дополнително согласно тарифите применливи за дополнителен багаж. За детали, ве молиме да ја контактирате вашата авиокомпанија или туристичкиот агент.

Оружје

При регистрација, доколку патниците имаат било какво оружје, задолжително треба да го пријават и тоа може да се превезува само во посебно заклучено место за складирање, под надлежност на пилотот. За детали, ве молиме да ја контактирате вашата авиокомпанија или туристичкиот агент.

Совети за безбедност

Ве молиме, не го оставајте вашиот багаж без надзор. Не пакувајте опасни и забранети предмети во вашиот багаж и не превезувајте багаж на други лица. Не треба да се земаат предмети од непознати лица, за секој обид за таква активност треба веднаш да се извести релевантниот персонал на шалтерот за регистрација на патници и багаж.

Covid19: Патувајте безбедно – ПРАШАЊА И ОДГОВОРИ

ТАВ Македонија, како оператор на аеродром, работи во согласност со правилата и прописите на државните институции во земјите каде патуваат патници, пограничните институции на аеродромите и авиокомпаниите.
За информации во врска со барањата за патни документи и/или ковид-тестови од страна на земјата во која сакате да пристигнете, Ве молиме да се обратите до Aмбасадата на таа земја, како и до авиокомпанијата со која ќе патувате. 
Со оглед на тоа што ТАВ Македонија како оператор на аеродромите не е надлежна за утврдување и поставување на правилата за влез/излез во/од државата, туку тоа е надлежност на Граничната полиција, во чии ингеренции е Пасошката контрола на аеродромите, Ве замолуваме да се обратите до Министерството за внатрешни работи на Р.С.Македонија  https://mvr.gov.mk/default , како и до Министерството за здравство http://zdravstvo.gov.mk/  и Владата https://vlada.mk/ , каде што одлучуваат за овие правила поврзани со пандемијата со Ковид-19.
-    На двата аеродрома има можност за правење на КОВИД-19 тестови пред вашето заминување. 
Лабораториите на клиниката Жан Митрев и Никоб Лаб вршат тестирање на патници на аеродромите. Повеќе информации можете да најдете на линковите подолу.

Меѓународен Аеродром Скопје
https://zmc.mk/en/covid19/skopje-ohrid-airport-covid-19-testing-point/ 

https://nikoblab.mk/ 

Аеродром Св. Апостол Павле Охрид: 
https://zmc.mk/en/covid19/skopje-ohrid-airport-covid-19-testing-point/  

http://ohd.airports.com.mk/mk-MK/media-centre-mk/announcements-mk/page/announcement-covid-testing-airport-ohrid-mk 

- Редовно и навремено ги применуваме сите мерки на Владата и на Министерството за здравство, како надлежни државни институции. Секако, ги следиме и искуствата на другите аеродроми ширум светот и препораките на Светската здравствена организација (WHO), Агенцијата за воздухопловна безбедност на Европската Унија (EASA), Меѓународната организација за цивилно воздухопловство (ICAO), Меѓународниот совет на аеродроми (ACI) и Меѓународната асоцијација за авиосообраќај (IATA), сè со цел да преземаме соодветни мерки навреме, како што се менуваат условите во оваа глобална пандемија.

-    Носењето заштитна маска за лице за патниците во терминалната зграда на аеродромот, не е задолжително, согласно измените и дополнувањата на мерките за Ковид-19 донесени од Владата на Северна Македонија од 3.5.2022 година https://vlada.mk/node/28642. Согласно овие измени, граѓаните немаат обврска да носат заштитна маска за лице во сите затворени места, освен во здравствените установи, аптеките, јавниот превоз (автобус, железница, авион и такси) и во установите за згрижување стари лица и лица со попреченост. Во однос на носење маска за време на лет, патниците треба да ги следат правилата и барањата на авиокомпанијата со која патуваат.

-    И покрај постоењето на опцијата за онлајн пријавување, поради новонастанатите Ковид-19 рестрикции, патниците се должни, при нивното пристигнување на аеродромот, да се пријават на шалтерите за пријавување, за проверка и верификација на документите потребни за влез во државата во која патуваат, како и пријавување на нивниот багаж. 

-    Патниците ќе треба дисциплинирано да ги следат упатствата на агентите за обезбедување, и таму, како и при сите процедури каде што се создаваат редици, потребно ќе биде да се држи физичко растојание од најмалку 1,5 метар.

Влезот во терминалната зграда на охридскиот аеродром, почнувајќи од 3-ти мај 2022 година, кога Владата на РСМ ги укина сите заштитни мерки поврзани со ковид-19  https://vlada.mk/node/28642 освен носењето заштитни маски во одредени установи, е дозволен без ограничувања/барања поврзани со ковид-19.

Согласно сé уште актуелните барања за разни документи за патување поврзани со ковид-19 од страна на странските држави, кои нашите вработени задолжително ги проверуваат на на шалтерите за регистрација на патници и багаж, апелираме до сите патници да пристигнат на аеродромот 3 часа пред закажаниот лет.

Ако евентуално одлучите да правите ковид-19 тест во еден од објектите на двете лаборатории на аеродромот, Ве молиме пристигнете на аеродром и порано од 3 часа, а согласно потребното време за изготвување на тестот, кое пак треба да го проверите со соодветната лабораторија. 

- Бизнис и ВИП Салонот се чистат и дезинфицираат според пропишаното од страна на јавните здравствени власти, со зголемена фреквенција врз основа на авиосообраќајот. 
- Поставени се повеќе диспанзери со средство за дезинфекција, врз база на алкохол, со соодветна ознака за патниците.
- Има опција за самопослужување со цел патниците да имаат ограничен контакт со персоналот.

- Ќе се врши честа дезинфекција на површините кои се често се во допир со персоналот и патниците,

- Масите и столчињата ќе бидат дезинфицирани по нивно користење од страна на сите гостите.

- Послужавниците и чиниите ќе бидат отстранети од вообичаените области. Тие ќе им бидат давани на гостите од страна на службениот персонал

- Опремата која се користи  редовно се дезинфицира.

- Физичкото растојание од 1,5метар е минимално во просторот за сите присутни лица и за таа цел околу подот на бесцаринските продавници се поставени водечки знаци.

- Ги советуваме клиентите да користат само безконтактна кредитна или дебитна картичка.

-
Влезот е дозволен за сите патници. Поставени се апарати за дезинфекција врз основа на алкохол пред влегување во бесцаринските продавници.

-    Патниците треба да пристигнат на аеродромот најмалку 3 часа пред нивниот лет, затоа што најмалку 1 час пред времето на полетување шалтерите за пријавување се затвораат. Ова значи дека патниците најмалку 1 час пред времето на полетување треба да ја имаат завршено процедурата за пријавување, a потоа и процедурите за Пасошка контрола и безбедносна проверка, со цел навреме да пристигнат во зоната за качување во авион, односно кај Излезите.

Корисни информации

Летови
Летови

Информации за пристигнување и заминување на летови на Аеродромот Св. Апостол Павле Охрид во реално време

Купување и јадење
Купување и јадење

Погледнете го целиот асортиман на продавници во нашиот трговски универзум. На аеродромот ќе најдете голем избор на продавници за мода, електроника, дизајн и сувенири

Паркинг
Паркинг

Вашиот пат до обезбеден паркинг простор! Искористете ги придобивките од атрактивните онлајн-понуди за паркинг услуги на Аеродромот „Св. Апостол Павле“ Охрид

Често поставувани прашања

 
 

Не постои редовна автобуска линија за патници до Аеродромот „Св. Апостол Павле“ - Охрид, туку само организиран автобуски превоз во рамки на организираните тури/сезонски летови од локалните туристички агенции.

Аеродромот „Св. Апостол Павле“ - Охрид работи согласно распоредот на летање.

Пријавувањето на патниците на шалтерите за пријавување патници и багаж почнува 180 минути (3 часа) пред закажаното време на полетување (STD) наведено на вашиот авионски билет. Времето на затворање на шалтерот за пријавување на аеродромот е најдоцна 60 минути пред закажаното време на полетување наведено на вашиот авионски билет.
Од почетокот на пандемијата со ковид-19, поради барањата за различни патни документи наметнати од различни земји, ТАВ Македонија апелира патниците да пристигнуваат на аеродром 3 часа пред полетување.

За информации во врска со летовите, следете ја веб-страницата на аеродромот, во делот за Пристигнувања и Заминувања, каде што сите промени во распоредот на летови се обновуваат во реално време, односно како што ни пристигнуваат информациите од авиокомпаниите.

Доколку Ви се потребни итни дополнителни информации за Вашиот лет, можете да го контактирате Шалтерот за информации на телефонските броеви:
++ 389 46 252 820
++ 389 46 252 821
++ 389 46 262 503

На патниците им е дозволено да носат предмети за кои не се наплаќа како што се: палто, 1 чадор или бастун, 1 женска чанта, 1 камера или двоглед, 1 корпа за носење на новороденче, 1 пар патерици или слични протетички помагала, медицинска опрема од која патникот е зависен, соодветна количина храна за бебиња.

Во врска со висината на надоместоците за багаж, Ве молиме контактирајте ја авиокомпанијата со која летате, бидејќи секоја авиокомпанија има своја политика и правила за багаж.

Ако имате специфични прашања во врска со дозволени/недозволени предмети во багажот, поставете го Вашето прашање до нашиот Оддел за односи со клиенти, на следнава е-пошта: customer.mk@tav.aero

Доколку изгубите Ваш личен предмет во аеродромската зграда, ве молиме истото да го пријавите на Шалтерот за информации или пак на службеник од Одделот за обезбедување. Доколку веќе сте заминати од аеродромот, ве молиме пишете на dutyohd@tav.aero.   
Доколку најдете изгубен/и предмет/и во аеродромската зграда, веднаш пријавете на службени лица од Одделот за обезбедување, или пак на Шалтерот за информации и/или испратете е-порака на dutyohd@tav.aero.  
За изгубени/најдени предмети во авион, или пак во случај на изгубен или оштетен багаж, ве молиме веднаш пријавете кај нашите колеги од Службата за изгубен багаж, лоцирана во делот за подигање багаж, по пасошката контрола во делот за пристигнувања, или пишете на  lostbaggage.ohrid@tav.aero.

 За повеќе информации ве молиме кликнете на следниов линк:
http://ohd.airports.com.mk/mk-MK/passenger-guide-mk/airport-facilities-services-mk/page/lost-luggage-mk   

Нема потреба за претходна резервација на паркинг-место.

Ценовник за паркинг на Аеродромот „Св. Апостол Павле“ - Охрид:

Паркирање во времетраење До 1 час Од 1 до 2 часа Од 2 до 3 часа Од 3 до 4 часа Од 4 до 8 часа Од 8 до 12 часа Од 12 до 24 часа Од 3 до 7 дена
Цени во МКД 70 80 100 120 130 200 400 1200 (секој нареден час 70 денари)

За патување со миленик во авион потребно е патниците да ги обезбедат сите потребни документи и вакцини за животното пред да тргнат на пат. За подетални информации обратете се во авиокомпанијата со која летате. Одредени авиокомпании не дозволуваат домашни миленици во авион, со исклучок на кучиња водичи кои придружуваат лица. За овие кучиња е неопходно да се достават соодветни документи за патување.

Во моментов – не. На Аеродромот „Св. Апостол Павле“ - Охрид е дозволено да се пуши само во отворената тераса на барот сместен пред терминалната зграда.

Во случај на општи прашања за кои не ви е потребен итен одговор, жалби или пофалби, пишете ни на: customer.mk@tav.aero. Тоа е нашиот Оддел за односи со клиенти, кој во најкус можен рок ќе Ви одговори на Вашите прашања.