Безбедносни совети

Безбедносни совети

Патници – Совети за безбедност

На 4 октомври 2006 година Европската комисија усвои мерки со кои се забранува носење течности во воздухопловите. Регулативата која стапи во сила на 6 ноември 2006 година е одговор на новите закани во цивилното воздухопловство.

Регулативата придонесува за поголема безбедност во цивилното воздухопловство и не остава можност за потенцијални терористички напади за кои се користат течни експлозиви, и со оваа мерка се постигнува безбедносните мерки да бидат еднакви насекаде низ ЕУ. Регулативата ги ограничува течностите кои патниците можат да ги пренесат низ контролните пунктови на аеродромот каде се врши безбедносна проверка, а потоа во воздухопловот. Се применуаат на сите летови кои полетуваат од аеродромите во ЕУ, без оглед на дестинацијата и националната припадност на превозникот.

Овие правила важат само за рачниот багаж. На патниците се уште им е дозволено да носат мали количини на предмети за лична употреба во нивниот рачен багаж (парфеми, креми, гелови итн.), само доколку пакувањата не содржат повеќе од 100 мл и можат лесно да се сместат во прозирни пластични кеси (волумен: еден литар). Патниците мора да ги покажат спакуваните течностите на контролните места и да ги приложат на безбедносната проверка. Дозволени се одредени исклучоци како лекови и храна која е потребна за време на летот, вклучувајќи ја и бебешката храна.

Дополнително, со овие правила се бара од патнците да ги соблечат нивните јакни и сакоа на местата каде се врши безбедносна контрола, и воедно треба да ги извадат лаптоп компјутерите и поголемите електронски уреди од нивниот рачен багаж. Регулативата, исто така, дефинира и одредени дозволени димензии за рачниот багаж (56см х 45см х 25см), со можност за одредени исклучоци, како на пример за музички инструменти.

Забранети предмети

Општо земено, не би требало да се пренесуваат супстанци и предмети како што се: радиоактивни материјали, експлозиви, запалливи течности, боци со пропан и/или бутан, оружје (освен за лов или за спортски цели), ножеви, отрови, корозивни супстанци, киселини, магнети, ниту пак заразни тела, како што се вируси и бактерии. Во опасните предмети, исто така, се вбројуваат и спрејови на база на аеросоли, кибрит и останати опасни материи како магнетизирани или иритирачки материјали. Треба да се земе предвид дека ова не е комплетна листа на опасни материи. Носењето опасни предмети во воздухопловот е законски прекршок и е казниво со закон. Ве молиме консултирајте се со авиокомпанијата или претставникот на агенцијата со која патувате за повеќе информации.

ЛИСТА НА ЗАБРАНЕТИ ПРЕДМЕТИ 

Домашни миленичиња

Патниците мора да ги направат сите потребни подготовки при транспортот на миленичиња, како доставување на соодветната документација пред нивното патување. По правило домашните миленичиња се транспортираат во засебен дел за карго во трупот на воздухопловот. Авиокомпанијата дозволува мали домашни миленичиња во патничката кабина (како што се кучиња, мачиња, птици). Миленичињата треба да се пренесуваат во соодветни кафези или торби со водоотпорно дно. Транспортот на миленичињата се наплаќа по цените наведени за дополнителен багаж. Ве молиме консултирајте се со авиокомпанијата или претставникот на агенцијата со која патувате за повеќе информации.

Огнено оружје

При пријавувањето, доколку носи какво било огнено оружје патникот мора да го пријави, а оружјето може да биде транспортирано заклучено во специјален оддел за багаж, под надзор на капетанот. За повеќе информации ве молиме контактирајте со вашата авиокомпанија или претставникот на агенцијата со која патувате.

Безбедносни совети

Ве молиме не оставајте го вашиот багаж без надзор. Не пакувајте во багажот опасни предмети и не носете багаж на други луѓе. Предметите добиени од непознати лица треба да бидат предадени на овластен персонал на шалтерот за пријавување на патници и багаж.

Covid19: Патувајте безбедно – ПРАШАЊА И ОДГОВОРИ

ТАВ Македонија, како оператор на аеродром, работи во согласност со правилата и прописите на државните институции во земјите каде патуваат патници, пограничните институции на аеродромите и авиокомпаниите.
За информации во врска со барањата за патни документи и/или ковид-тестови од страна на земјата во која сакате да пристигнете, Ве молиме да се обратите до Aмбасадата на таа земја, како и до авиокомпанијата со која ќе патувате. 
Со оглед на тоа што ТАВ Македонија како оператор на аеродромите не е надлежна за утврдување и поставување на правилата за влез/излез во/од државата, туку тоа е надлежност на Граничната полиција, во чии ингеренции е Пасошката контрола на аеродромите, Ве замолуваме да се обратите до Министерството за внатрешни работи на Р.С.Македонија  https://mvr.gov.mk/default , како и до Министерството за здравство http://zdravstvo.gov.mk/  и Владата https://vlada.mk/ , каде што одлучуваат за овие правила поврзани со пандемијата со Ковид-19.
-    На двата аеродрома има можност за правење на КОВИД-19 тестови пред вашето заминување. 
Лабораториите на клиниката Жан Митрев и Никоб Лаб вршат тестирање на патници на аеродромите. Повеќе информации можете да најдете на линковите подолу.

Меѓународен Аеродром Скопје
https://zmc.mk/en/covid19/skopje-ohrid-airport-covid-19-testing-point/ 

https://nikoblab.mk/ 

Аеродром Св. Апостол Павле Охрид: 
https://zmc.mk/en/covid19/skopje-ohrid-airport-covid-19-testing-point/  

http://ohd.airports.com.mk/mk-MK/media-centre-mk/announcements-mk/page/announcement-covid-testing-airport-ohrid-mk 

- Редовно и навремено ги применуваме сите мерки на Владата и на Министерството за здравство, како надлежни државни институции. Секако, ги следиме и искуствата на другите аеродроми ширум светот и препораките на Светската здравствена организација (WHO), Агенцијата за воздухопловна безбедност на Европската Унија (EASA), Меѓународната организација за цивилно воздухопловство (ICAO), Меѓународниот совет на аеродроми (ACI) и Меѓународната асоцијација за авиосообраќај (IATA), сè со цел да преземаме соодветни мерки навреме, како што се менуваат условите во оваа глобална пандемија.

-    Носењето заштитна маска за лице за патниците во терминалната зграда на аеродромот, не е задолжително, согласно измените и дополнувањата на мерките за Ковид-19 донесени од Владата на Северна Македонија од 3.5.2022 година https://vlada.mk/node/28642. Согласно овие измени, граѓаните немаат обврска да носат заштитна маска за лице во сите затворени места, освен во здравствените установи, аптеките, јавниот превоз (автобус, железница, авион и такси) и во установите за згрижување стари лица и лица со попреченост. Во однос на носење маска за време на лет, патниците треба да ги следат правилата и барањата на авиокомпанијата со која патуваат.

-    И покрај постоењето на опцијата за онлајн пријавување, поради новонастанатите Ковид-19 рестрикции, патниците се должни, при нивното пристигнување на аеродромот, да се пријават на шалтерите за пријавување, за проверка и верификација на документите потребни за влез во државата во која патуваат, како и пријавување на нивниот багаж. 

-    Патниците ќе треба дисциплинирано да ги следат упатствата на агентите за обезбедување, и таму, како и при сите процедури каде што се создаваат редици, потребно ќе биде да се држи физичко растојание од најмалку 1,5 метар.

Влезот во терминалната зграда на охридскиот аеродром, почнувајќи од 3-ти мај 2022 година, кога Владата на РСМ ги укина сите заштитни мерки поврзани со ковид-19  https://vlada.mk/node/28642 освен носењето заштитни маски во одредени установи, е дозволен без ограничувања/барања поврзани со ковид-19.

Согласно сé уште актуелните барања за разни документи за патување поврзани со ковид-19 од страна на странските држави, кои нашите вработени задолжително ги проверуваат на на шалтерите за регистрација на патници и багаж, апелираме до сите патници да пристигнат на аеродромот 3 часа пред закажаниот лет.

Ако евентуално одлучите да правите ковид-19 тест во еден од објектите на двете лаборатории на аеродромот, Ве молиме пристигнете на аеродром и порано од 3 часа, а согласно потребното време за изготвување на тестот, кое пак треба да го проверите со соодветната лабораторија. 

- Бизнис и ВИП Салонот се чистат и дезинфицираат според пропишаното од страна на јавните здравствени власти, со зголемена фреквенција врз основа на авиосообраќајот. 
- Поставени се повеќе диспанзери со средство за дезинфекција, врз база на алкохол, со соодветна ознака за патниците.
- Има опција за самопослужување со цел патниците да имаат ограничен контакт со персоналот.

- Ќе се врши честа дезинфекција на површините кои се често се во допир со персоналот и патниците,

- Масите и столчињата ќе бидат дезинфицирани по нивно користење од страна на сите гостите.

- Послужавниците и чиниите ќе бидат отстранети од вообичаените области. Тие ќе им бидат давани на гостите од страна на службениот персонал

- Опремата која се користи  редовно се дезинфицира.

- Физичкото растојание од 1,5метар е минимално во просторот за сите присутни лица и за таа цел околу подот на бесцаринските продавници се поставени водечки знаци.

- Ги советуваме клиентите да користат само безконтактна кредитна или дебитна картичка.

-
Влезот е дозволен за сите патници. Поставени се апарати за дезинфекција врз основа на алкохол пред влегување во бесцаринските продавници.

-    Патниците треба да пристигнат на аеродромот најмалку 3 часа пред нивниот лет, затоа што најмалку 1 час пред времето на полетување шалтерите за пријавување се затвораат. Ова значи дека патниците најмалку 1 час пред времето на полетување треба да ја имаат завршено процедурата за пријавување, a потоа и процедурите за Пасошка контрола и безбедносна проверка, со цел навреме да пристигнат во зоната за качување во авион, односно кај Излезите.

Корисни информации

Летови
Летови

Информации за пристигнување и заминување на летови на Аеродромот Св. Апостол Павле Охрид во реално време

Купување и јадење
Купување и јадење

Погледнете го целиот асортиман на продавници во нашиот трговски универзум. На аеродромот ќе најдете голем избор на продавници за мода, електроника, дизајн и сувенири

Паркинг
Паркинг

Вашиот пат до обезбеден паркинг простор! Искористете ги придобивките од атрактивните онлајн-понуди за паркинг услуги на Аеродромот „Св. Апостол Павле“ Охрид

Често поставувани прашања

 
 

Не постои редовна автобуска линија за патници до Аеродромот „Св. Апостол Павле“ - Охрид, туку само организиран автобуски превоз во рамки на организираните тури/сезонски летови од локалните туристички агенции.

Аеродромот „Св. Апостол Павле“ - Охрид работи согласно распоредот на летање.

Пријавувањето на патниците на шалтерите за пријавување патници и багаж почнува 180 минути (3 часа) пред закажаното време на полетување (STD) наведено на вашиот авионски билет. Времето на затворање на шалтерот за пријавување на аеродромот е најдоцна 60 минути пред закажаното време на полетување наведено на вашиот авионски билет.
Од почетокот на пандемијата со ковид-19, поради барањата за различни патни документи наметнати од различни земји, ТАВ Македонија апелира патниците да пристигнуваат на аеродром 3 часа пред полетување.

За информации во врска со летовите, следете ја веб-страницата на аеродромот, во делот за Пристигнувања и Заминувања, каде што сите промени во распоредот на летови се обновуваат во реално време, односно како што ни пристигнуваат информациите од авиокомпаниите.

Доколку Ви се потребни итни дополнителни информации за Вашиот лет, можете да го контактирате Шалтерот за информации на телефонските броеви:
++ 389 46 252 820
++ 389 46 252 821
++ 389 46 262 503

На патниците им е дозволено да носат предмети за кои не се наплаќа како што се: палто, 1 чадор или бастун, 1 женска чанта, 1 камера или двоглед, 1 корпа за носење на новороденче, 1 пар патерици или слични протетички помагала, медицинска опрема од која патникот е зависен, соодветна количина храна за бебиња.

Во врска со висината на надоместоците за багаж, Ве молиме контактирајте ја авиокомпанијата со која летате, бидејќи секоја авиокомпанија има своја политика и правила за багаж.

Ако имате специфични прашања во врска со дозволени/недозволени предмети во багажот, поставете го Вашето прашање до нашиот Оддел за односи со клиенти, на следнава е-пошта: customer.mk@tav.aero

Доколку изгубите Ваш личен предмет во аеродромската зграда, ве молиме истото да го пријавите на Шалтерот за информации или пак на службеник од Одделот за обезбедување. Доколку веќе сте заминати од аеродромот, ве молиме пишете на dutyohd@tav.aero.   
Доколку најдете изгубен/и предмет/и во аеродромската зграда, веднаш пријавете на службени лица од Одделот за обезбедување, или пак на Шалтерот за информации и/или испратете е-порака на dutyohd@tav.aero.  
За изгубени/најдени предмети во авион, или пак во случај на изгубен или оштетен багаж, ве молиме веднаш пријавете кај нашите колеги од Службата за изгубен багаж, лоцирана во делот за подигање багаж, по пасошката контрола во делот за пристигнувања, или пишете на  lostbaggage.ohrid@tav.aero.

 За повеќе информации ве молиме кликнете на следниов линк:
http://ohd.airports.com.mk/mk-MK/passenger-guide-mk/airport-facilities-services-mk/page/lost-luggage-mk   

Нема потреба за претходна резервација на паркинг-место.

Ценовник за паркинг на Аеродромот „Св. Апостол Павле“ - Охрид:

Паркирање во времетраење До 1 час Од 1 до 2 часа Од 2 до 3 часа Од 3 до 4 часа Од 4 до 8 часа Од 8 до 12 часа Од 12 до 24 часа Од 3 до 7 дена
Цени во МКД 70 80 100 120 130 200 400 1200 (секој нареден час 70 денари)

За патување со миленик во авион потребно е патниците да ги обезбедат сите потребни документи и вакцини за животното пред да тргнат на пат. За подетални информации обратете се во авиокомпанијата со која летате. Одредени авиокомпании не дозволуваат домашни миленици во авион, со исклучок на кучиња водичи кои придружуваат лица. За овие кучиња е неопходно да се достават соодветни документи за патување.

Во моментов – не. На Аеродромот „Св. Апостол Павле“ - Охрид е дозволено да се пуши само во отворената тераса на барот сместен пред терминалната зграда.

Во случај на општи прашања за кои не ви е потребен итен одговор, жалби или пофалби, пишете ни на: customer.mk@tav.aero. Тоа е нашиот Оддел за односи со клиенти, кој во најкус можен рок ќе Ви одговори на Вашите прашања.